He Wai

  • Kīngi Kiriona,

    Te Hono ki Rarotonga

    Nō  Te Iti Kahurangi te hōnore, i te marama o Hepetema rua mano mā iwa, i whai wāhi ai rātou ki te tira haere a Kīngi Tūheitia ki Rarotonga.  He mea whakarite te haerenga...

    haere tonu
  • Ngoi Pēwhairangi,

    Kia kaha ngā iwi

    He Waiata-ā-ringa tēnei. I titoa e Ngoi te waiata nei i te tau 1967 mō te kapa haka, Te Hokowhitu-ā-Tū. Nā rātou tēnei i waiata i ngā whakataetae kapa haka a Tamararo i tū...

    haere tonu
Te Ipukarea

Koha Mai

Ko tā Tāmata Toiere, he whakaatu anake i ērā waiata, i ērā haka hoki kua whakaaetia mārikatia e te kaitito ka tahi, e te whānau ka rua, ka toru e te hapū, e te iwi rānei. Nō reira, me mātua aro mai te tangata e pohapoha ai te whare kōrero nei.

Mehemea he kaitito koe, ko koe rānei te kaitiaki o ētahi waiata nō te whānau, ā, e hiahia ana koe ki te whakauru i ērā taonga ōu ki a Tāmata Toiere, tēnā whakapā mai. Manohi anō, mehemea kāore he waiata, he haka rānei nō tō iwi e iri mai ana i te paetuku nei, tēnā akiakina tō iwi, ō rangatira rānei kia rata mai ki tēnei kaupapa.

Ka mātua whakamanahia te kaitito o te waiata, o te haka hoki. Ki te kore e mōhio i te kaitito, ka whakanuia te hapū, te iwi rānei o taua waiata/haka. Ka whakamana hoki i ērā tangata i tuku mai i ā rātou kōrero, i koha mai rānei ētahi kōrero mō tētahi waiata. Mā ēnei whakapuakanga katoa e mōhio ai te marea (e mārama anō hoki) nō hea ngā kōrero katoa.

Mehemea he titonga tōu, ōu rānei, engari kāore ō whakamahuki, e pai ana, he taonga tonu ērā tuhinga. Ka taea tonutia e mātou te whakarite tētahi whārangi, ki reira iri ai ngā kupu o tō waiata kia kimi rānō ētahi whakamārama, kia rite rānei ētahi whakamārama te tuhituhi.