Aue! Taukuri!
Tīmoti Kāretu - 1982
This action song was composed to honour Te Ata-i-rangi-kaahu and the people of Waikato. It was first performed at the Coronation celebrations of 1982.
Maori lyrics
Aue! taukuri aku taumata kōreroAue! taukuri aku taumata kōreroKa kai atu rā aku mata ki te mokopunaa te motuTe mauri i pōtaea, Te Ata-i-rangi-kaahuKi te tihi tapu e moe nei ngā rangatiraKi te wai tipua e rere neiKa tau mai ai ki runga o TūrangawaewaeTiro atu ki te huinga tangataKa kimi kau ake i ngā kākā waha nui,I ngā puna mātauranga o te ao tawhitoKa kimi, ka kimi tē kiteaI roto i te ngahurutanga o ngā tauPau puku ana rātou ki te pōPapā te whatitiri,Hikohiko te uiraKa horo ngā tihi maungaKa haruru te whenuaKoinei rā ō rātou tohu i te haerengaMōwai ana te whenua e takoto neiĀe, e tātou mā, te mūrau a te tiniTe wenerau a te manoE noho ana tātou i te raru, i te paniNō reira, whītikiria te hope ki te maurea whiritoiNanaiore ki te aka matuaKia puritia te aho wānangaHei kawe i te kura hunaHei kupu taurangi ki muri nei,'He kākano rangatiraE kore e ngaro'Hei!
