Te Wharehuia Milroy

Nō te tau 1937 i whānau mai ai a Te Wharehuia. He uri ia nō Ngāi Tūhoe. He mātanga reo Māori ia, ā, he kaiwhakahaere hoki ia i Te Panekiretanga o Te Reo Māori i Te Wānanga o Aotearoa. 

He Ahorangi Taituarā ia i Te Ipukarea. Ko Te Wharehuia tētahi o ngā Taituarā tokotoru o Te Whare o Rongomaurikura. I tū a Te Wharehuia hei Ahorangi mō ngā kaupapa Māori i Te Whare Wānanga o Waikato mai i te tau 1993 tae atu ki te tau 2000. E hia kē nei ngā Poari me ngā Kōmiti kua nōhia e ia, tae atu ki te Kōmiti Arataki i ngā take Māori o Te Papa, Te Taura Whiri i Te Reo Māori, Te Kōmiti Tohutohu i Te Amorangi Mātauranga Matua me Te Whakaruruhau Reo mō Te Mana Tohu Mātauranga o Aotearoa. E noho tonu ana ia i Te Poari Taunahanaha o Aotearoa me Te Rōpū Whakamana i Te Tiriti o Waitangi. Kua whai wāhi atu a Te Wharehuia ki ngā whakataetae kapa haka e hia kē nei, ā, he rite tonu te pātaitia ōna kia noho hei kaiwhakawā. I whakawhiwhia ki a ia te tohu CNZM i te tau 2012 mō āna mahi nui hei hāpai i te reo Māori. I whakawhiwhia hoki ki a ia te tohu QSO.